Kautokeino / Guovdageaidnu

08. - 17. april 2017

ÁLGOSIIDU

PROGRÁMMA

LIHPUT

DIEĐUT

EAKTODÁHTOLAŠ

Sofia Jannok & Elle Márjá Eira (oktasaš power-konsearta)

Guokte sámi stuorámus artisttaiguin čuojaheaba ovttas ja doallaba šovva maid mii leat guhká vuordán Báktehárjjis.

Beassášlávvordat cuoŋománu 15.b

Báktehárji / 22:00 / 400 kr / OASTTE

SOFIA

JANNOK

Sofia lea leamaš sámi jiellat dan rájes go Sofia & Anna joavkkuin almmuhii Du čalmmit ja vuoittiiga Sami Grand Prix 2001 Meahci mánná lávlagiin. Dan rájes lea Vuolvojávrru nisu ollen musihkáinis guhkkelii go eatnasat sáhttet niegadit. Ald musihkka lea álo rievddadeami muhto ain bissu su earenomaš "sounda". Son lea mátkkoštan miehtá máilmmi ja čuojahan iežas njealjji almmuhusain, ja easka ráhkadii SVT dokumentáraráiddu su birrá, Världens Sofia. Sofia Jannok lea geavahan iežas gievrras jiena čuvgehit dehálaš fáttáid musihkás bokte, aktivismma ja TED-logaldallin.

ELLE

MÁRJÁ
EIRA

Elle Márjá lea máŋggadáiddár Guovdageainnus eret guhte bargá sihke musihkáin ja filmmáin. Musihká sáhttá buoremusat čilget duottar-pop'an - dat lea čáffat, elektruvnnalaš ja sihke poehtalaš ja politihkkalaš.

Son muitala bearraša boazodoalloduogážis musihka čađa. Elle Márjá lea liveartistta, su konsearttain lea govvá ja musihkka giehtalaga. Son lea čuojahan lávdiin miehtá máilmmi ja beassážiid beasat oaidnit su ruovttušiljus. Su it gávnna Spotifyas, nu ahte váldde liibba oaidnit su LIVE.

RAP Allstars: Amoc // Ailu Valle // SlinCraze

Guhkesbearjadat cuoŋománu 14.b

Báktehárji / 22:00 / 300 kr / OASTTE

Sámi musihkkafestivála lea rámis go lea čohkken golbma sámi stuorámus rap-namaid seamma lávdde nala seamma eahkedii. Jorgal capsa ja čuoččot vehá govdadeappu. Dát šaddá eahpitkeahttá okta festivála hippamus konsearttain.

AMOC

Amoc lea áidna máilmmis vuos gii rappe anárašsámegillii. Son čilge ahte sounda lea horror-rap ja lea justte gasku hardcore ja hiphop. Eambbo ipmirdahtti: garra beatat masa sáhttá headbanget. Son lea juo okto váikkuhan dasa ahte oallugat leat oahppa- goahtán dan meare anárašsámegiela ahte sáhttet rappet su mielde, ja lea festivála-legeanda sámis. Alt vuosttaš singel Kolle Ákšu mii bođii 2004 lea sámi buoremus rap-bihttá ja maŋŋel go bođii iežas vuosttaš skearruin Šaali de lea čuojahan miehta Skandinávia ja maiddái Ruoššas. Dán jagi viimmát boahtá ođđa skearru ja lávddis čudjet sihke ođđa ja boares bihtát.

AILU
VALLE

Gámasmohki sátneduojár rappe golmma gillii, sámegillii, suoma- ja eaŋgalasgillii. Sus leat vuđolaš ja jierbmás teavsttat otná servvodaga birra ja ii bala dadjat maid oaivvilda. Vuosttaš skearru Dušši dušše duššat mii almmuhuvvui 2012is son ságastallá das mot oarjemáilmmi servvodat lea manname meattá buot jeargga go ii guldal luonddu jiena ja álgoálbmot viisodaga.

SLINCRAZE

Slincraze lea ruovttušiljus go boahtá Báktehárjái čuojahit. Dat lei justte dás son šattai dovddusin sámis go rappi Sami Grand Prixas 2005as. Dan rájes lea son leamaš dat gii lea lokten sámi rappa ođđa dássái. Son lea almmuhan máŋga skearru ja eitto lea boahtán dokumentára ja skearru Arctic Superstar. Beassášlávddis lea sus muottá dievva ođđa bihtát ja boares hitsat.

ISÁK

 

Guhkesbearjadat cuođománu 14.b

Báktehárji / 22:00 / 300 kr / OASTTE

Ella Marie áattai sšmi ođđaseamos nástin sámi nástealmmis go vuittii Sami Grand Prix 2016 lávlagiin Luoddaearru. Mannan geasi son čuojahii Márkomeannus Nuoraid Sessions’as ja lea dan rájes bargan musihkainis. Dál dat lea viimmat dás, min iežamet ISÁK, ja mii beassat juo gullát ođđa singela njukčamánu 31.b! Sounda lea electro-juoigan ja go Ella Marie mikrofuvnna dohppe de sáhttit vuordit ovtta beassášmárkaniid buoremus konsearttain!

FELGEN ORKESTER

 

Beassášlávvordat cuoŋománu 15.b

Bákteharji / 22:00 / 400 kr / OASTTE

Felgen Orkesteris leat vihtta vilbeležagat ja okta olmmái gii maid vissásit lea fuolki daidda earáide. Sii almmuhedje vuosttaš EPa 2013is ja leat dan rájes leamaš eanaš sámi lávddiid prinssat. Sin musihkka lea movttegis poprocka mas leat luohti ja sámegillii teavsttat. Sis leat lávlagat maid buohkat máhttet lávlut ja soaitá vel leahkit nu gullon trekkspilla ja mandoliidna seaguhusas. Mii beassat oaidnit Felgen Orkestera oaššume doláid olles šovvain iđđesidjii!

 

Felgen Orkester čuojaha maiddái nuoraidkonseartta gos lea olles leahttu ja oarjándánsa vel!

 

Gaskavahkku cuoŋománu 12.b

(nuoraidkonsearta)

Bákteharji / 20:00 / 150 kr

13 jagi ja boarraset, lágideapmi lea gárrenmirkotkeahttá.

JOHAN IVVÁR GAUP M/BAND

 

Guhkesbearjadat cuoŋománu 14.b

Bákteharji / 22:00 / 300 kr / OASTTE

Johan Ivvár Gaup vuittii Sami Grand Prix 2016 juoiganoasi ja dán jagi son máhccá ođđa luđiiguin ja čuojaheddjiiguin. Johan Ivvár lea bargan ođđa luđiiguin ovttas Per William Hermanseniin ja mii vissásit boahtit gullát das eanet. Johán Ivváris lea gievrras juoiganjietna ja deavdá lávddi, musihkka fas lea šuoŋalaš ja heivehuvvon luohtái ja dat dahkká dán prošeaktan mii dáidá šaddat oba buorre. Mii boahtit vissásit gullát boahttevaš hittaid!

TRADISJONELL JOIKEKONSERT + INGA MÁRET GAUP-JUUSO & TUNDRA ELECTRONIC

 

Guhkesbearjadat cuoŋománu 14.b

Bákteharji / 18:00 / 200 kr /  OASTTE

Árbevirolaš luohti ja elektruvnnalaš luohti. Mii čalmmustahttit dološ luđiid dán jagi mat leat boarráset go 100 jagi go lea sámis 100 jagi avvodeapmi das go Tråantes čoahkkanedje sámit. Mii čohkket čeahpes juigiid geat máhttet dološ luđiid juoigat. Juoigit almmuhuvvot maŋŋel. Mii leat maid bovden Gárasavvon juoigi Ingá-Máret Gaup-Juuso ođđa prošeavtta mas lea mielde Tundra Electro. Tundra Electros leat Patrick Shaw Iversen, Aleksander Kostopoulos ja Harpreet Bansal. Ingá-Márehis lea buorre, čielga jietna ja son lea bargan ovttas Patrick Shaw
Iversenain turnéas Indias, Nepalas ja Bangladeshas gos de álggahuvvui Tundra Electro joavku. Mii boahtit gullát árbevirolaš luođi ja ođđamállet elektronika, ambient ja improvisašuvdnamusihka.

IVNNIGUIN

 

Beassášlávvordat cuoŋománu 15.b

Báktehárji / 22:00 / 400 kr / OASTTE

Ivnniiguin er tilbake med stilfull rock, fantastiske tekster og fengende joik. De jobber med en ny plate, den første siden LPen som ble utgitt i -78, og har nye joiker og musikk på set-listen sammen med de gamle klassikerne. Ensembleet har stått på scenen i til sammen mer enn 100 år og kan jobben med å spille opp til all-joik.

 

De gjorde den originale joik-rocken, den originale samiske punken og spilte opp til dans på den originale påskefestivalen i Plasthallen. Ivnniiguin er the Original Sámi Music!

SANČUARI

Sančuari lea dieđihan ahte eai sáhte boahtit čuojahit

V