RABAS BUVTTADEADDJEVIRGI

Virgi dahká sullii 50% jahkedoaimmas. SMF ohcá hutkás olbmo geas leat ovttasbargonávccat, sáhttá bargat iešheanálaččat ja dovdá musihkkabirrasa dábálaččat ja sámi musihkkabirrasa erenoamážit. Dovdat sámegiela ja kultuvrra lea ovdamunnin ja deattuhuvvo jus eavttut muđui leat seamma dássásaččat.

SMF buvttada konsearttaid Guovdageainnus beassážiid, dasa lassin soames eará konseartta muđui jagis. SMF lea ideologalaš festivála mas ulbmilin lea nannaet ja ovddidit sámi musihka, juoigama ja kultuvrra.

SMF organiserejuvvui stiftelse-ásahussan 1998:s, das leat golbma eaiggáda; Guovdageainnu Sámi Searvi, Beaivváš Sámi Našunálateáhter ja Guovdageainnu suohkan. Guokte olbmo ovddastit juohke eaiggáda SMF stivrras.

Buvttadeaddji bargu lea ee.:
Buvttadeaddjis lea SMT njuolggadusaid mielde ollislaš ovddasvástádus praktihkkalaš bargguin buot doaluin SMF olis.

Buvttadeaddji ovddasvástádus ja barggut SMF doaluid oktavuođas leat:
- plánet ja čađahit festiválaid
- doaimmahit ja jođihit festiválaid
- šiehtadit artisttaiguin ja gávpeolbmáiguin ovttasráđiid stivrra jođiheddjiin
- dieđihangeatnegasvuohta stivrii rehketdoalu ja árvvoštallanraportta bokte maŋŋel buot
doaluid

Buvttadeaddjis lea riekti oassálastit, sárdnut ja árvalit stivračoahkkimiin.

Buvttadeaddji galgá dađistaga dieđihit stivrajođiheaddjái áššiid birra mat lunddolaččat gusket stivrii ja SMF doibmii.

Buvttadeaddji virgáduvvo jahkái, ja lea vejolašvuohta guhkiduvvot. Bálká nu movt šiehtaduvvo.

Ohcan oktan mildosiiguin ja CV:n sáddejuvvo Sámi Musihkkafestiválii, Poastaboksá 36,
9521 Guovdageaidnu dahje e-poastta bokte čujuhussii ejs.eira@hotmail.com.

Ohcanáigi borgemánu 20. b. 2010.

Eanet dieđuid sáhttá oažžut stivrajođiheaddjis Ellen J. Sara Eira, tlf 92890517 dahje nubbinjođiheaddjis, tlf 48055887.