Kautokeino / Guovdageaidnu

08. - 17. april 2017

ÁLGOSIIDU

PROGRÁMMA

LIHPUT

DIEĐUT

EAKTODÁHTOLAŠ

SAMI GRAND PRIX 2017

 

Beassášlávvordat cuoŋománu 15.b / Báktehárji / 18:00 / 150 kr / 300 kr / VIP 600 kr / OASTTE

Sami Grand Prix lágiduvvo 27. geardde dán jagi ja mii beassat gullát ja oaidnit sihke ođđa ja boares juigiid ja artisttaid lávddenalde geat gilvalit áibbas ođđa luđiiguin ja lávlagiiguin. Lávddis leat mii beassan gullat muhtin sámi stuorámus artisttain ja mii leat ožžon hittaid dievva mat juo áigá leat šaddan klassihkkarat sámi musihkkahistorjjás.

 

Mii bovdet gehččiid sámi stuorámus musihkkadáhpáhussii, gos maid juhkkojuvvo Áillohaš musihkkabálkkášupmi, ja illudit oaidnit buot juigiid ja artisttaid Sami Grand Prix 2017 lávddis.

 

Sami Grand Prix 2017 streamejuvvo iežamet neahttasiid- dus ja lea vejolaš buot riikkain geahččat dan.

 

Buot oasseváldiid gávnnat DÁS.

VUOITTUT JUOIGAN- JA LÁVLUNOASISI

1. sadji NOK 20 000
2. sadji NOK 7 500
3. sadji NOK 3 000


SGP 2017 juoigan- ja lávlunoasi vuoitit oažžuba bovdema oassalasttit SGP 2018is ja maiddái NOK 50 000 bargostipeandda mainna galgaba bargat viidasit musihkáin ja luđiin ja maiddái doallat konseartta Sámi beassášmárkaniid olin 2018is.

 

SGP 2017 oasseváldit lávlunoasis ovdanbuktet iežaset lávlagiid ovttas SGP čuojaheddjiiguin Steain Austrud (keys ja kapeallameašttir), Jan Ole Kristensen (gitárra), Svein Schultz (bass) ja Thomas Gallatin (rumbbut).

DÁT GUSTOJIT SGP 2017:S

• Luođit mat leat mielde SGP juoiganoasis galget juigojuvvot árbevirolaš vuogi mielde musihkka haga.

 

• Lávlagat galget ovdanbuktot SGP musihkkajoavkkuin. Artista ja SGP musihkkajoavku heivehit, lágidit ja buvttadit lávlaga beassášvahku. SGP oasseváldit fertejit leat Guovdageainnus álggus beassášvahku.

 

• SMF máksá mátkki, boradeami ja orruma ovddas jus lea dárbbašlaš.

 

• Jus artista háliida oassálastit iežas musihkkajoavkkuin, de lea nu vejolaš, muhto SMF ii mávsse liigemávssuid dan ovddas dan oktavuođas.

 

• Ahkemearri beassat searvat 16 jagi goappaš osiin.

 

• Lávlagat lávlunoasis galget leat sámegillii.

 

• Luođit ja lávlagat eai galgga leat almmuhuvvon ovdal.

 

• SGP lávlunoasis lea vejolaš atnit vokal-samples, muhto váldolávlun galgá leat njuolga SGP lávddis.

 

• Jus SGP 2017 juoigan- ja lávlunoasi vuoitit sáddeba luođi ja lávlaga SGP 2018:i, de lea luohti ja lávlla automáhtalaččat mielde vuoitibealušteaddjin.

 

 

• SGP 2017 báddejuvvo CD ja digitála buvttadeami várás.