Muitokonsearta - Bonggu Ánte

Dán jagi beasat vásihit earenomaš konseartta Sámi Beassášmárkaniin! Skilleduorastaga lea Anders P. Bongo/ Bonggu Ántte muitokonsearta Báktehárjjis. 

Son lei dehálaš kulturovddasteaddji, ja lei okta sis guhte gálii bálgáid nu ahte luohti gullui ja dohkkehuvvui stuoraservodagas. Olles eallinagi son barggai seailluhit árbevieruid sihke boazodoalus, duojis ja luođis. 

Bonggu Ánte čájehii stuora beroštumi sámi festiválaide, ja movttiidahtti juoiganárbevieru. Son oidnui sihke lávddis, geahččin ja lávii maid johttit festiválaid mielde vuovdit dujiid iežas eamidin Heiken Márehin. 

2004:s oaččui son Áillohaš-musihkkabálkášumi, ja seamma jagi bijai son beassášfestiválii luođi "Sámi Beassášmárkanat", mii lea šaddan hui dovddusin. 

Giitevašvuođain mii gudnejahttit su dan dehálaš barggu ovddas maid son barggai sámi kultuvrii, luohteárbevirrui ja earenomažiid Beassášfestiválii. Skilleduorastaga skádjá Báktehárji Bonggu Ántte vuoiŋŋain ja lávdái lávkejit juoigit geat juoiggastit sihke árbevirolaš luđiid ja musihkkaluđiid.