Search
  • Sámi musihkkafestivála

Dološ beassášgovat #DuorastagaDoložat

Beassášmárkanat ávvudit 50 jagi. Don soaittát muitit heargevuodjimiid Gorovuohpis? Plasthálla feasttaid ja konsearttaid? Áillohačča juoigama mii gullui go márkan ealáskii guhkes dálvvi maŋŋel, ovdal giđđajohtima?



Ávvujagi govvačájáhus maŋiduvvo

Mii leat čohkken govaid ja dieđuid Beassášmárkaniid 50 jagi historjjás. Jurddá lei govaid čájehit stuora ávvučájáhusas dáid beassážiid, muhto mii maŋidit ávvučájáhusa boahtte jagi beassážiidda koronadilálašvuođa dihte. Mii leat čohkken olu čáppa govaid, ja lea váivi go eat beasa vel daid álbmogii čájehit albma fiinna čájáhusain. Mii illudit boahtte jahkái, ja áigut rahpat čájáhusa jo mánu ovdal beassážiid.


Govat sosiála mediain

Mii leat juohke duorastaga čavčča rájes juohkán dološ beassášgovaid sosiála mediain fáddágilkoriin #DuorastagaDoložat. Mii áigut joatkit juohkit govaid dainna fáddágilkoriin. Sáhtát daid geahččat dan botta go illudišgoađát vel eambbo govaid oaidnit!


Leat go dus beassášgovat?

Jus dus leat govat maid háliidat minguin juohkit (dahje midjiide vuovdit), de sáhtát sáddestit deike e-boastta bokte: 50jagi@samieasterfestival.com. Sáhtát maid minguin váldit oktavuođa jus dárbbahat veahki digitaliseret daid.


Govat:

1: Máze nieiddat konsearta Plasthállas. Govven: Koji Tsuda (80-logus) (Sámi arkiiva - Arkivverket)

2. Olbmot geahččame heargegilvovuodjimiid Gorovuohpis. Govven: Andreas Lautz (1974) (Troms og finnmark fylkesbibliotek) 3. Jonna Utsi čájeha skillsaid. Govven: Staffan Widstrand (1996)

4. Olbmot Plasthállas. Govven: Harry Johansen (1990 dahje 1991)

5. Áillohaš (Nils Aslak Valkeaää) konsearta. Govven: Harry Johansen (1990 dahje 1991)

59 views0 comments

Recent Posts

See All