top of page
Search

Sámi beassášmárkanat lea Arrangørprisen 2022 finalista guovtti kategoriijas

Sámi beassášmárkanat Guovdageainnus lea finalistan sihke Årets festival (Dán jagi festivála) ja Årets øyeblikk (Dán jagi dáhpáhus) kategoriijas!

Norske kulturarrangører geige bálkkašumi. Nammadeapmi lea hirbmat somá ja stuora gudnin ja illun min festiválii! Dát čájeha ahte bargu maid dahkat árvvus adnojuvvo maiddái nationála dásis.


Lea hirbmat somá go leat jur olles guovtti kategoriijas finalistan! Årets festival (Dán jagi festivála) galget Norske Kulturarrangører miellahtut jienastit, muhto Årets øyeblikk (Dán jagi dáhpáhus) jienasta álbmot. Min festiválas dieđusge leat olu somás ja erenomáš dáhpáhusat. Dáhpáhus mii lea nammaduvvon lea Mads Suhr Pettersen govven skilleduorastaga festiválalávuin LávvuLávddis.


Skilleduorastaga LávvuLávddis lei dánsa go Nostalgiija gánddat čuojahedje (Govven: Mads Suhr Pettersen).


Diimmá ofelažžan

Ná čállá Norske kulturarrangører iežaset neahttasiiddus:

– Dat geat leat nominerejuvvon leat Guovdageainnus davvin gitta Kristiansandii lulde. Mii leat oaidnán stohpokonsearttaid, vuojadanhállaarenaid, várreluohkkáfestiválaid ja kulturlágidemiid asylavuostáiváldimis. Arrangør-Norga lea duođai bargan olles jagi. Sii leat heivehan iežaset ja hábmen magiija hutkáivuođain, dadjá Norske Kulturarrangører beaivválaš jođiheaddji, Siri Haugan Holden. Eará festiválat mat leat finalistan Dán jagi festiválan leat stuora festiválat dego Øyafestivalen, Oslo World ja Vinjerock. Jienastit Årets øyeblikk (Dán jagi dáhpáhus) sáhttá dákko: https://poll.app.do/arets-oyeblikk-2022


65 views0 comments

Recent Posts

See All
bottom of page