Search
  • Sámi musihkkafestivála

Sámi Grand Prix 2021

Sámi Grand Prix 2021 lágiduvvo dán jagi studio bokte streamakonseartan. Don sáhtát geahččat dan váikko gos ja sáhtát jienastit sihke juoigan- ja lávlunoasis dan gii du mielas lea buoremus. Sáddagis beasat maid oaidnit eará musihkkabihtáid ja geasa Áillohaš bálkkašupmi 2021 juhkkojuvvo.


Juoiganoassi


Nils Peder A. Gaup - Sara Risten Susanna

Iŋgor Ántte Nils Peder dahje Iŋgor Nila Guovdageainnus eret lea bidján luođi iežas váhkarii, Sara Risten Susanna Gaup.


Nils Lars Eira - Jon Andreas

Nils Lars Eira lea Kárašjogas eret ja lea bidján luođi vilbeallái ja ustibii Jon Andreas Rognerud Eirai.


Elen Rávná A. Triumf - Lena

Guovdageaidnulaš Elen Ravna lea bidján luođi iežas nuoramus niidii Maikela Lenai


Johan Anders Oskal - Per Thomas

Johan Ánte lea eret Bearddus ja lea bidján luođi iežas vilbeallái Per Thomas Oskalii.


Domna Khomjuk - Paršša Vigket

Dovddus luvvt (luođi) árbeguoddi Domna Khomjuk vuittii Áillohaš bálkkašumi jagis 2019. Son lea Goardegk-gilis (Voronje) eret Murmanskaja guovllus. Dán luvvt lea son dahkan dajahusaid gielddasámegillii mii leage su eatnigiella.


Máhtte Ánte J. Sara - Karen Marianne

Máhtte Ánte lea Guovdageainnus eret. Son lea bidján luođi iežas eamidii Karen Marianne Gaup-Sarai.


Hanna-Maaria Kiprianoff - Mannu Maainâs

Hanna-Maaria boahtá Čeʹvetjäuʹrr gilis ja leu'dd son lea bidján lea olbmo birra gii gullá sánehis máidnasit go vánddarda mánu ja násttid searvvis. Dát lea giela massima ja máhcaheami birra ja eallima losit geainnuid vázzit.


Jörgen Stenberg - Mathias

Jörgen Stenberg lea Málágis (Malå) eret ja lea bidján vuelie (luođi) Mathias Larssonii


Kim Hallgeir Berg - Anna Mathilde

Sámi Grand Prix 2019 vuoiti Kim Hallgeir Berg Kárašjogas eret lea bidján luođi iežas ristniidi Anna Mathilde Nilsdatter Lango


Nils Johan A. Gaup - Niillas Elle Sara

Egan Ántte Nils Johan lea Guovdageainnus eret ja lea bidján luođi iežas oambeallái Niillas Elle Sara / Elle Sara Bals



Lávlunoassi



Ailu Valle & Inga Márjá Sarra - Beassášlihkku

Ailu Valle ja Ingá Márjá Sarre searvaba hip-hop šuoŋain Beassášlihkku. Teavstta ja šuoŋa leaba ieža ráhkadan.


Bernt Mikkel Haglund - Stoagadit dolain

Son lea maŋemus áiggi ovttasbargan iešguđetge juigiiguin ja almmuhan máŋga luođi ođđaáigásaš musihkáin. Dál áigu Bernt Mikkel Haglund ieš lávlut ja searvá iežas čállojuvvon lávlagiin Stoagadit doláin.


EIRA - Máilmmi nieida

EiRA joavkku Anne Inger E. Lilleng lea čállán lávlaga, ja ovttas Marit Elisabeth Eira ja Bongg' Ánttiin leat sii dahkan šuoŋa. EIRA oappážagat bođiiga nubbin Sámi Grand Prixas jagis 2019.


Yarsem Galkin & Roman Jakolev - Máinnas Sieidejávrri birra Моайнас Се̄ййтъя̄вьр баяс

Soai leaba Lujávrris eret. Yarsem rappe gielddasámegillii teavstta maid ieš lea čállán. Roman lea musihka dahkan dán máidnasii.


Ingá Máiiá Blind - Fárrui

Ingá Máiiá lei oassin SGP Cover-prošeavttas jagis 2019 mas ovdanbuvttii boares SGP lávlagiid.

Dál searvá son Sámi Grand Prixii lávlagiin maid Niels Ovllá Oskal Dunfjell ja Berit Margrethe Oskal leaba čállán.


Hildá Länsman ja Lávre - Jođi lea buoret go oru

Hildá já lávre leaba čállán ovttas lávlaga mainna searvaba dán jagi Sámi Grand Prixii. Váikko leaba ge nuorat, de leaba hárjánan artisttat ja leaba ovdal ovttasbargan.


118 views0 comments

Recent Posts

See All