Muhtin Sámi čeahpimus nuorain leat covren boares Sámi Grand Prix lávlagiid ja luđiid mat ledje mielde gaskal jagiid 1990 ja 2000.
Muittát go go Máret Hætta Øverlii vuittii SGP 1991 lávlagiin Jáddá go beaivi? Naba Lars Magne Andreassen go lávllui Garra ednam? Dáid ja vel olu eará sámi hitsaid ja luđiid beassat oaidnit ja gullat beassášlávvordaga Báktehárjjis! Áibbas ođđa hámis!
Sii čuojahit maid nuoraidkonseartta guhkesbearjadaga LávvuLávddis.
SGP Cover oasseváldit:
Musihkkabuvttadeaddjit leat DJ Ailo, NTÏV ja Lena Thuri. Vokalistat ja juoigit leat Inna Marja Amundsen, Piera, Eira, Sárá Gáren Ánna Nilut, Elina Ijäs ja Astrid Tuorda.
SGP Cover lea Sámi musihkkafestivála ja DAT lágádusa prošeakta. Prošeavtta lea Sámediggi dorjon.
Govven: Sámi musihkkafestivála
Comments