Eaktodáhtolaš
Searvva hábmet jagi dehaleamos dáhpáhusa Guovdageainnus
Eaktodáhtolaččat lea dehálaš oassi beassášmárkaniin. Sii han hábmejit festivála ja veahkehit čađahit lágidemiid nu njuovžilit ja buorren go vejolaš.
Go leat veahkkin, de oaččut nuvttá bileahta konsertii maid ieš válljet, ođđa olbmáid, somás bargovásáhusa, ja vel bovdehusa eaktodáhtolaččaid festtii.
Doaimmat
Mii dárbbašit eaktodáhtolaččaid dáidda doaimmaide, ja dál sáhtát DON dieđihit iežat mielde nu jođánit go vejolaš, vai oaččut dan barggu maid háliidat.
Billeahttavuovdin
Bileahttavuovdin lea movttegis festiválagussiid vuosttaš bisánanbáiki. Dáppe galgá buriin mielain veahkehit gussiid oastit bileahtaid ja lonuhit bileahtaid mat leat ovdagihtii ostojuvvon giehtabáddin. Dás lea vejolaš beassat dearvvahit ja humádit festiválagussiiguin!
Festiválakaféa
Doppe leat sihke eahkes ja beaivet doaimmat. Festiválakafeas beasat guossohit borramuša ja juhkamuša olbmuide geat leat messostallame.
Bára ja boŋgavuovdin
Bárai ja boŋgavuovdimii mii dárbbahit olbmuid geat buoremielalaččat ja gierdevaččat vuvdet sohkárjuhkosiid ja vuollagiid gávttehasaide. Go dáppe barggat de beasat návddašit dan buori festivála dovddu ja sámi buoremus artisttáid musihka. (Badjel 18-jahkasaččaide)
Backstage
Dás mii dárbbašit olbmuid geat bearráigehččet ahte artisttáin, jietnaolbmuin ja dáiddáriin lea buorre dilli. Dan botta go gáfe vuoššat ja šattuid cábat, de soaittát vel ollet oahpásmuvvát dovddus sámi artisttáiguin.
Vákta
Festiválavávttat leat festivála sihkkarvuohta. Sii leat min gussiid dorvu ja veahkki jus juoga dahpahuvva. Go barggat váktan de leat mielde bearráigeahččame ahte min gussiin lea buorre dilli, festivála lágideamit mannet njuovžilit, ja ahte sihkkarvuođanjuolgadusat dollojit. Bargu sáhttá leat veahkehit ja bearráigeahččat bileahttauvssa (ja eará uvssaid), láidestit olbmuid olggos go lágideapmi nohka ja muđuige veahkehit festiválagussiid. Bargu lea eanáš ihkku, muhto sáhttá eahkedit maid. (Badjel 18-jahkasaččaide)
Arena
Festiválaarenas barggat daid praktihkalaš bargguid mat fertejit dáhkkot ovdal ja maŋŋel festivála. Dás adnojit dakkarat geat nagodit guoddit dinggaid ja iešheanalaččat nagodit gávdnat čovdosit iešguđetge riggen bargguin. Ovdamunni jus máhtat veahčira hálddašit go soaitat šaddat soames spihkkara maid dearpat. Bargu lea eanaš ovdal ja maŋŋel festivála.
Vuoddji
Festiválavuoddji bargu lea vuojihit min artisttaid ja bargiid. Dat sáhttá sihke leat vuoddjit dás gilis, omd. konsearttabáikkiide ja orrunbáikkiide, muhto sáhtát maid šaddat guhkit tuvrraid vuoddjit omd. girdišiljus viežžat ja doalvut. Bargu lea sihke iđđes ja eahkes. Dus ii dárbbaš iežas biila muhto vuoddjinkoarta (B) ferte. (Ferte leat vuodjingoarta B)