Dáiddačájáhus - “Máttuid jienat - Muittuid projiseren”

Gitta Chiles boahtá Corporación Traitraico Sápmái. Dat lea dáiddakollektiva mii guoddá fárustis ealli muittuid eamiálbmogiin dego Mapuche, Selk'nam, Kawésqar ja Yagán. Sii háliidit hukset šalddiid eamiálbmogiid gaskii mat ain dáistalit iežaset eatnamiid ja kultuvrra ovdii. Mii bovdet din searvat dáidda doaimmaide sihke RiddoDuottar Museas Kárášjogas ja Kulturviesus Guovdageainnus gaskkal Njukčamánu 31.beaivvi ja Cuoŋománu 5.beaivvi. 

Leat njealjje iešguđet hámi dán čájáhusas:

Govvačájáhus — 20 gova mat čájehit ovttasbargguid gaskkal Selk'nam, Kawésqar ja Yagá álbmogiid Patagonias ja lulliguovlluin Chiles.

Videodáidda — Videoprojekteren mii guorahallá bassi vieruid ja doloža: Ngen Ko (čáhcevuoiŋŋat) ja seremoniija Ngen Kintuantu (vuoiŋŋalaš fápmu mii ohcala beaivvi).

Mikro-dokumentárat — Vihtta jietnavisuála barggut: Territorio Ancestral (Min árbeguovllut), Pilmaiken Resiste (Pilmaiken Vuostálastá), Relatos de Fuego (Dolaid Muitalus), Relatos de Mar (Mearaid muitalus) ja Relatos de Bosque (Vuvddiid muitalus), ja buot tekstejuvvo eaŋgalasgillii ja muhtun eamiálbmotgielaide.

Ságastallamat — Rabas čoahkkin prošeavtta dáiddáriin gos ságastallat dutkama, dahkama ja kultuvrralaš meannudeami sin guovlluin. 

Ságastallan lea duorastaga, cuoŋománu 4.beaivvil dii. 17:30-19:00.

Govva- ja videočájáhus lea kulturviesus cuoŋománu 1.-5.beivviid, dii. 11:00-18:30.

Ovttasbargoguoimmit:

LAG (Latin-Amerihkká Joavkkut) · FIVAS · NSR (Norgga Sámiid Riikkasearvi) · NSR-N (Norgga Sámiid Riikkasearvvi Nuoraidlávdegoddi) · Sámi Viessu Oslos · GAIA Oslo AS · Universitehta Lullenuortanorggas-Campus Bø · Lifjell Dáiddaguovddáš/Kunstsenter · Casa Cultural–Espánjjalaš Kulturviessu  · Spire · RiddoDuottar Musea ·  Sámi Musihkkafestivála