Agnete Saba birra
Agnete Saba lea nuorra, muhto lea guhká barga musihkain. Dan rájes go vuittii Melodi Grand Prix junior joavkkuinis The Blacksheeps ja lávlagiin “Oro jaska beana” jagis 2008, lea son sakka beaggán. Lávlla vuittii maid “Dán jagi lávlla” Spellemann-bálkkašumi. Iežas musihkkaalmmuhemiiguin ja oassálastimiiguin iešguđetlágan guoimmuhanprográmmain nationála dásis, lea son šaddan dehálaš jietna Davvi-Norgii ja Sápmái.
Maŋemus jagi lea Agnete bargan ođđa musihkain masa su ruovttubáiki, Reahpen Finnmárkkus, ja sámi musihkkaárbevierut leat leamašan inspirašuvdnan. Iežas vuoimmalaš jienain ja čáppa šuoŋaiguin ja sevdnjes teavsttaiguin hábme Agnete erenomáš musihkalaš sajádaga mas leat elemeanttat popas, rockas ja elektrovnnalaš musihkas. Dál son lea gearggus Báktehárjji lávdái beassážiid. Leat go don gearggus?