Intrigue birra
Sii ráhkadedje doahpaga "heavyjoik" ja lea áidna joavku máilmmis dán šáŋŋeris.
Kritihkkárat ja gehččiid mielas lea Intrigue okta dain buoremus live-joavkkuin Davvi-Norggas. Joavku lea 35-jagis čuojahan eanas festiválain ja konseartalávddiin Poláragierddu davábealde. Intrigue konsearttat leat measta álo áibbas dievva, ja guldaleaddjit juiget mielde hirbmat jitnosiid. Áigodagas 2002/2003 lei Intrigue joavkku skearru "Heavyjoik" okta dain skearruin mii vuvdui buot eanemusat Norggas ja skearru oláhii gullplate-vuoittu.
Bánda álggahuvvui jagis 1989. Jagis 1993 vuite sii "Sørøyrocken", mii dagáhii ahte jagi maŋŋel ilmmai vuosttaš skearru "Intrigue". Dát sukseassa stuorui jagis 2002 go almmuhedje skearru "Heavyjoik", ja jagi maŋŋil skearru "Crossover". Ronni Le Tekrø, TNT máilmmi dovddus supergitarista, buvttadii goappeš skearruid.
Intrigue gudnejahttojuvvui Áillohaš-bálkkašumiin jagis 2003, ja jagis 2009 gudnejahtii ruovttugilli Kárášjohka joavkku kulturbálkkašumiin. Jagis 2011 almmuhedje sii skearru "Čáppa nieida".