top of page
Nils Mikael ja Gisle birra
Gisle Soleng, Kárášjogas eret, lea guhkit áiggi ieš ráhkadan ja bádden luđiid ja almmuhan daid Soundcloudii. Muhto jagis 2020 almmuhii son vuosttaš skearru Girjebievla mas leat 10 šuoŋa ja lea ožžon hirbmat buriid máhcahemiid. Dál doallá iežas vuosttaš konseartta Sámi beassášmárkaniin Guovdageainnus ovttas hárjánan artisttain Nils Mikael Hætta Hanseniin. Nils Mikael lea guhká jo leamaš oassin sámi musihkkamáilmmis, muhto lea oalle aitto almmuhan vuosttaš solo-skearru, Iđitroađis jagis 2023.
Gisle Soleng ja Nils Mikael Hætta Hansen váldiba fárrui banda ja ovttas čuojaheaba oasážiid goabbat skearrus go čuojaheaba konseartta LávvuLávddis duorastaga njukčamánu 28. b. 2024.
bottom of page