Rolf Morten Anti Amundsen lea virgáduvvon Sámi musihkkafestivála buvttadeaddjin, ja galgá ovttabargat buvttadeddjiguin Anni-Rauna Triumf ja Ol Johan Gaupain earret eará Sámi Beassášmárkaniid ja Sámi Grand Prix lágidemiin.
Rolf Morten Anti Amundsen - Govven: Madelene Holmberg Simoes
Rolf Morten Anti Amundsen lea eanemus dovddus Rolffa artistanamain ja sus lea guhkes hárjáneapmi lávdde nalde. Dál son dahka stagedive ja searva buvttadanjovkkožii gos galgá leahkit mielde buvttadeame Beassášmárkaniid Guovdageainnus.
Mun lean leamaš bookejuvvon Rolffain ja eará joavkkuiguin ja artisttáiguin máŋgii, muhto dál galggán leahkit nuppe bealde ja ieš leahkit dat gii booken. Dat šadda hui soma ja ođđa vásáhus munnje, dadjá Rolf Morten.
Ođđa taleanttat - SGP Covers vol.3
SGP Covers lea prošeakta go galgá váljjet ovddeš lávlagiid ja luđiid mat leat leamaš mielde Sámi Grand Prixas - ja gos nuorra čeahpes artisttát, juoigit ja musihkkabuvttadeaddjit ovttasbarget covret sin váljjejuvvon lávlagiid ja luđiid. Dát lea čađahuvvon guktii ovdal buriin bohtosiin ja dál lea vol.3 plánejuvvogoahtan gos galget leat mielde lávlagat ja luođit jagiin 2001 - 2010.
Dát lea prošeakta mainna illudan bargat, dadja ođđa festiválbuvttadeaddji Amundsen
Dás gávnnat SGP Covers vol.1 ja vol.2