Sáhka lea duohta. Áivan lea ruovttoluotta!
Dál beassat ávvudit, rappet ja juoigat mielde Corona Lime lávlagii (mii soaitá ipmirduvvot eará ládje dál go ovdal dagai) go pandemiija lea loahpa guvlui manname ja Áivan fas vuosttaš geardde guhkes áigái čuojaha konseartta!
Guovdageainnu/Divttasvuona rap joavku Áivan váldá comebacka ja almmuhit fargga ođđa lávlagiid! Vuosttaš singel Bija Bevea lea jo almmuhuvvon. Daid ođđa lávlagiid beassat gullat guhkesbearjadaga Báktehárjjis, ja dieđusge šlágáriid nugo Buolvvas bulvii, Grøfta ja Geasserománsa!
Govven: Aslak Anders Skum